قناعاتى تمنعنى كثيراً من التعليق على ما يحدث فى البلد ،ولكنى
الاحظ ردود الأفعال
فى أى حدث لا أرى سوى ....
- بتوع السوشيال ميديا ....
ينتهزون الموقف تحت عناوين اى كلام علشان يحققوا ربح من التفاعل والترافيك على مواقعهم ودول من بتوع " قول سبحان الله ... الله أكبر ..عائلة مسيحية تعلن اسلامها قول ما شاء الله .... ماذا حدث فى القبر أعرف ..... اعرف من كان على متن الطائرة ...اول فيديو للطائرة .....الى أخره من الاساليب الملتوية لزيادة التفاعل
- مؤيدي السيسى.....
يبدأوا يفكرونا باللى كان بيحصل ايام الاخوان مش فاكرين قطار اسيوط وان مهما حصل احنا معاك يا ريس دول من بتوع ..شاهد رد فعل الوزير الاخوانى عندما حدث .....
- الاخوان ومؤيدى الاخوان ....
حسبى الله ونعم الوكيل ...حكومة فاشلة فى كل حاجة .... ارحمونا بقى وسيبوا البلد ... مستنين ايه تانى
- اللى مش اخوان ومش مع السيسي ...
لا لأسلمة الدولة .... يسقط حكم العسكر ......عاوزين دولة مدينة وحكومة تكنوقراط .. رئيس وزراء اليابان يقدم استقالته بعد كارثة ..... عقبلنا يارب ... لا لتقييد حرية الصحافة
الاعلاميين ....
سبق صحفى لاول مرة فلان يتكلم عن احداث اللحظات الاخيرة قبل ....... فلان الفلانى يخرج عن صمته ... تيران وصنافير مصرية بس الريس مش خاين .. عاوزين بقى نراجع الاجراءات الامنية ف مطار باريس زى ما حصل معانا فى شارم الشيخ
- الجمعيات الاهلية والمدنية .....
الجمعية الفلانية تزور ضحايا حادث الطائرة المنكوبة وتقدم شنطة رمضان لاسرة كل متوفى
- الحكومة .....
نتنظر حتى تنتهى كافة الاجراءات ومبدئيا كده 5000 جنيه لكل شهيد
- بتوع الدين ...
لو مسيحى يبقى قتيل لو مسلم يبقى شهيد , وافتكروا ان العمر لحظة زى ما حصل معاهم ممكن يحصل معاكم اتقى الله تويوا الله يهديكم
- بتوع داعش .....
تعلن مسئوليتها عن الهجمات وتعلن انتظروا المزيد على شؤاطى مرسى مطروح فى الصيف اللى جاى ان شاء الله
- الدول العربية ..
لكى الله يا مصر ونحن معكى ..... احدى الدول العربيية ترسل 3 مليار دولار كوديعة لدعم السياحة .... وستظل مصر ام الدنيا وقطر تعلن عن عروض للسفر على الطيران القطرى بخصومات رائعة
- بتوع التنمية البشرية اللى انا واحد منهم ....
المضيفة جذبت الحدث من خلال وضع صورة على صفحتها عن طائرة تسقط فى المياه قبل شهر من الحدث
متى نتوحد من أجل مصلحة مصر ؟ متى !
صلوا وأعملوا من أجل وحدتنا
صلوا وأعملوا من أجل وحدتنا
تحويل كودإخفاء محول الأكواد الإبتساماتإخفاء